გუშინ “ალკმაართან” მოლაპარაკებები შედეგიანად დასრულდა- შოთა არველაძემ ჰოლანდიური კლუბისგან, ვისთანაც კიდევ ერთწლიანი კონტრაქტი აკავშირებდა, გათავისუფლების ფურცელი მიიღო.

“- მოლაპარაკება დღეს შედეგიანად დასრულდა გათავისუფლების ფურცელი უკვე მივიღე და ხვალ ესპანეთში მივფრინავ. “ლევანტესთან” კონტრაქტს გავაფორმებ და ახალ გუნდში ვარჯიშს შევუდგები. “ლევანტემ” უკვე დაიწყო ახალი სეზონისთვის სამზადისი. რამდენადაც ვიცი, გუნდი ამჟამად ვალენსიის სიახლოვეს გადის შეკრებას. როგორც გავიგე, უახლოესი ამხანაგური მატჩი 29 ივლისს , “სტრასბურთან” გვაქვს. რაღა თქმა უნდა, ვითამაშებ”, - ამბობს შოთა არველაძე.

“ალკმაარისგან” არველაძის გათავისუფლების ცნობა გუშინ ბევრმა სააგენტომ გაავრცელა. რაღა თქმა უნდა, ეს ინფორმაცია “ლევანტეს” ოფიციალურ ვებგვერდზე გამოქვეყნდა, დეტალების დამატებით.

“ქართულ ფორვარდ შოთა არველაძეს ჰოლანდიურმა “ალკმაარმა” გათავისუფლების ფურცელი მისცა. შესაბამისად, უკვე გადაწყვეტილია, რომ შოთა არველაძე “ლევანტეში” ითამაშებს. ის ხვალ ამსტერდამიდან 11:15 გამოემგზავრება, ვალენსიაში 13:15- ზე მას “ლევანტეს” სტადიონის საპრენსკონფერენციო დარბაზში, ოფიციალურად წარადგენენ.”

პრიმერა დივიზიონში ახალი სეზონი აგვისტოს ბოლო უქმეებზე აიღებს სტარტს. “
“ლევანტე” სასტარტო ტურში, 26 აგვისტოს, “მალიორკას” სტუმრად ეთამაშება