რამდენიმე დღეში გოგიტამ ხელჯოხები გადააგდო და მსუბუქი ვარჯიშიც დაიწყო. თბილისში ჩამოსვლა გამოიყენა და პირად ცხოვრებასაც მიხედა - ის დაოჯახდა. მისი რჩეული მარიეტა ბუტიკაშვილია, რომელიც გოგიტამ სილამაზის კონკურსზე გაიცნო. გოგიტა და მარიეტა 14 ივლისს დაქორწინდნენ, ახლობლურ წრეში აღნიშნეს დიდებული დღე. მალე გოგიტა რუსეთში გაემგზავრება, მეუღლეს თან ვერ წაიყვანს, თუმცა მალე სავიზო პრობლემებს მოაგვარებს და მეუღლეც მასთან იქნება.

“- უზომოდ ბედნიერი ვარ. ეს ისეთი მოვლენაა ადამიანის ცხოვრებაში, ბედნიერი უნდა ვიყო. ჩემს გვერდით არის ადამიანი, რომელიც ძალიან მიყვარს, დიდ პატივს ვცემ და მთავარია, რომ დღეს ის ჩემთან ერთადაა.

ჩემი აზრით ფეხბურთელისთვის დაოჯახება ძალიან მნიშვნელოვანია. ბევრი ამბობს, გარკვეულწილად ფეხბურთელის კარიერაზე შეიძლება ცუდად იმოქმედოს და ა.შ. მე ამის არ მჯერა. ეს არის წინგადადგული ნაბიჯი, ჩემთვის ერთ-ერთი მნიშვნელოვანი დღე და მიხარია. ქართველი გულშემატკივრების უმრავლესობას რომ გაუხარდება, როცა ჩემი დაოჯახების შესახებ შეიტყობს. უზომოდ ბედნიერი ვარ”,- აცხადებს ფეხბურთელი.